4 n 3

Bandera (12Nob05)

Dear David,

ISA akong empleado sa isang pribadong kompanya pero walang asenso kasi'y idinadaan sa palakasan at maraming intriga. Binabalak ko nang mag-resign kasi'y nakaipon na ako ng konting puhunan. Ano ba ang buwenas na negosyo para sa akin? Ipinangank ako noong Setyembre 4, 1970. Ano ba ang mahihiwagang numero na bumabalot sa aking buhay? Bigyan mo sana ako ng gabay sa pagtatagumpay.Ano ba ang masusuwerte kong taon, buwan at petsa? Bigyan mo rin ako ng buwenas na kulay at numero na puwedeng tayaan sa jai alai at lotto.

LAMBERTO NG ILOILO CITY

Dear Lamberto,

NUMBER four (4) at three (3) ang mahihiwagang numero na bumabalot sa iyong buhay. Buntala ng Uranus at Jupiter ang buntala na kumokontrol sa iyong pagkatao. Kulay dilaw at asul ang buwenas mo. May naghihintay sa iyo na pambihirang kapalaran sa taong 2007 at 2010 at 2011 kung saan matutupad ang marami mong pangarap kabilang ang pagkakaroon ng matatag na negosyo. Buwenas ka sa mga drygoods at lahat ng may kaugnayan sa lupa. Maraming tao ang magkukusa na tulungan ka kaya't dapat na manatili kang maunawain, matulungin, tapat at mapagpatawad sa kapwa tao. Buwenas ka sa mga buwan ng Pebrero, Hunyo at Nobyembre partikular sa mga petsang 2, 8, 12, 16, 23, 27, at 30 partikular kapag natapat sa araw ng Biyernes at Linggo. Sa jai alai, isama mo sa No. 4 at No.3 ang No.9. Sa lotto, pumulot ka sa mga sumusunod: 3-7-11-19-23-26-34-38-40-42.
---30--