kuwatro at numero tres

Bandera (01Oct05)

Dear David,

SUKI ako ng kolum mo .Isa akong tindero sa palengke pero nakikisingit lang ako sa kumare ko. Kailangan kasing buhayin ko ang aking mga anak.Ano ba ang buwenas na negosyo para sa akin? Ipinanganak ako noong Setyembre 4, 1970. Bigyan mo ako ng gabay sa pagtatagumpay. Bigyan mo rin ako ng buwenas na kulay at numero na puwedeng tayaan sa jai alai at lotto. Ano ba ang masusuwerte kong taon, buwan at petsa?

DONATO NG BACOLOD CITY

Dear Donato,

TAGLAY mo ang pambihirang buwenas na wala sa ordinaryong tao. Kinukubabawan ka kasi ng mahiwagang No. 4. Likas kang mabait, matulungin at mapagpakumbaba—iyan ang bertud mo na hihigop ng buwenas. Pero, makakaranas ka rin ng serye ng mga dagok ng buhay, pero malalampasan mo ito.Sikapin mong makalmante sa gitna ng mga pagsubok. Taglay mo rin ang mahiwagang No.3 na nagsasabi na ikaw ay may malakas na personalidad na siyang magpapatatag sa iyo sa gitna ng maraming pagsubok. Masarap kang magmamahal kaya’t kung magkakakaroon ng inspirasyon sa bawat pagkilos, makakaangat ka sa tugatog ng tagumpay na hindi mo sukat-akalain. Buwenas ka sa negosyo na may kaugnayan sa sikat ng araw at tubig. May naghihintay sa iyo na magandang kapalaran sa taong 2007 at 2008 kung saan matutupad ang marami mong pangarap kabilang ang pagkakaroon ng matatag na trabaho. Buwenas ka sa mga buwan ng Marso, Hunyo at Nobyembre lalo na sa mga petsang 2, 8, 12, 24, at 30 partikular kapag natapat sa araw ng Biyernes at Linggo. Kulay dilaw at asul ang buwenas mo. Sa jai alai, isama mo sa No. 4 at No.3 ang No.1. Sa lotto, pumulot ka sa mga sumusunod: 2-6-11-19-23-27-34-38-40-42. ASSET TIPS: 2-5-1/ 1-4-6/ 7-8-6/ Wiretips: 2-3-7/ 7-8-2/ 1-2-5/ 7-8-2. Double digit: 4-7/ 4-7/ 2-4. Luzon guide: 2-5-11-19-23-28-34-36-40-42. VisMin: 3-7-11-19-23-28-34-38-40-42. MegaLotto: 3-7-11-19-23-29-34-37-40-42. Four Number: 3-2-3-7/ 8-9-2-1/ 1-2-4-6. Coded tips: sitaw- ampalaya- bataw/ tubig- mantika- gatas/ n-s-r.
---30--